خواہش کی تین کہانیاں

خواہش کی تین کہانیاں
ایک ارب پتی تاجر نےپوری زندگی مال جمع کرنے میں صرف کر دی،دن دیکھا اور نہ رات،صبح فیکٹری جاتے تھے اور آدھی رات کو واپس آتے تھے، بچے کب پیدا ہوئے۔کب بڑے ہوئے اور کب کالجوں اور یونیورسٹیوں سے نکلے؟ وہ نہیں جانتے تھے۔بچوں کی شادیاں بھی بزنس پارٹنر شپ کی طرح کیں۔آخر میں جب سونے کی چٹانیں گنتے گنتے تھک گئے تو سر اٹھا کر دیکھا۔پتا چلا یہ پوری دنیا میں اکیلے ہیں،اولاد ہے لیکن یہ سر سے پاؤں تک اجنبی ہے۔ساڑھے سات ارب کی اس دنیا میں کوئی ایک بھی شخص ایسا نہیں جسےکو  یہ دوست کہہ سکیں۔بیوی کو بھی دور ہوئے برسوں ہو چکے ہیں اور ان کی صحت بھی ان سے مکمل طور پر خراب ہو  چکی تھی۔ وہ دولت کی چٹان کو دھکیلتے دھکیلتے اتنے دور آ چکے تھے کہ اب قافلے سے ملاقات ناممکن تھی۔ کسی دوست نے مشورا دیا کہ ، آپ کے پاس اب خیرات،فلاح انسانیت اور خدمت کے سوا کوئی آپشن نہیں بچا،آپ اپنی آدھی دولت اللہ کی راہ میں خرچ کر دیں۔
آپ کو سکون مل جائے گا ورنہ دوسری صورت میں یہ سفر رائیگا ں ہو جائے گا، خاک چھاننے کے سوا کچھ ثابت نہیں ہو گا۔ وہ واپس گئے،فلاح وبہبود کے کام شروع کرنے کی کوشش کی لیکن بری طرح ناکام ہو گئے،کیوں؟ کیونکہ انہوں نے چالیس برس کی پروفیشنل لائف میں پیسہ کمانے کے سوا کچھ نہیں سیکھا تھا چناں چہ جب پیسہ ہاتھ سے نکلتا تھا تو ان کے دل پر ضرب پڑتی تھی۔نتیجہ یہ نکلا،انہیں ہارٹ اٹیک ہوا اور وہ دفتر میں اپنی کرسی پر بیٹھے بیٹھے انتقال کر گئے۔اولاد نے لاش سرد خانے میں رکھ دی اور جائیداد کے لیے لڑنا شروع کر دیا۔یہ لاش بعد ازاں عزیز رشتے داروں نے دفن کی،اولاد جنازے میں بھی شریک نہیں ہوئی۔وراثت کی لڑائی تین برسوں سے جاری ہے۔وہ ساری زندگی جو تنکے،جو پتے جمع کرتے رہے تھے وہ آج کل گلیوں میں اڑتے اور بکھرتے نظر آ رہے ہیں۔grate Best urdu Kahani, urdu stories best urdu kahani 

خواہش کی تین کہانیاں
چند دن قبل ایک دوست تشریف لائے،وہ بہت دکھی تھے۔ میں نے وجہ پوچھی،وہ بولے میں نے ایک کمرشل پلاٹ کا سودا کیا تھا،پلاٹ کی پاور آف اٹارنی مالک کے داماد کے پاس تھی۔وہ صاحب اور ان کی بیگم جلد سے جلد ٹرانسفر پر زور دے رہے تھے۔ میں نے جیسے تیسے رقم جمع کی اور پلاٹ ٹرانسفر کرانے کے لیے ایل ڈی اے کے دفتر چلا گیا لیکن ٹرانسفر کے وقت عدالت کا آرڈر آگیا۔ پتا چلا پلاٹ کے اصل مالک پچھلی رات انتقال کر گئے ہیں۔انتقال کے بعد پاور آف اٹارنی غیر موثر ہو گئی اور جائیداد وراثت میں چلی گئی، پلاٹ کی ٹرانسفر رک گئی۔ دوست کے بقول ”میں ایل ڈی اے میں کھڑا تھا۔پلاٹ بیچنے والا خاندان ایک دوسرے سے لڑ رہے تھے۔بیوی خاوند پر چڑھ دوڑی تھی۔اس کا کہنا تھا میں تمہیں کتنے دنوں سے کہہ رہی ہوں پلاٹ ٹرانسفر کر دو۔ ابا کی طبیعت ٹھیک نہیں،یہ زیادہ دن نہیں نکال سکیں گے مگر تمہارے کانوں پر جوں تک نہیں رینگی۔ اب تم مزے کرلو“ خاوند میری طرف دیکھ دیکھ کر پریشان ہو رہا تھا اور میں سوچ رہا تھا ”یہ کیسی بیٹی ہے، اس کاوالد انتقال کر گیا لیکن یہ پلاٹ کو رو رہی ہے۔میں نے کانوں کو ہاتھ لگایا اور میں واپس آ گیا۔میں نے آج فیصلہ کیا میں اب مزید کوئی پراپرٹی نہیں خریدوں گاتاکہ کل میرے بچے بھی میری لاش رکھ کر جائیداد کے لیے ایک دوسرے سے دست وگریبان نہ ہوں“ ۔Best Best urdu Kahani, urdu stories